[國際新聞]「豬扒港姐」揚名國際

香港豬扒成國際焦點 (蘋果日報) 2010-08-06

俗語說醜事傳千里，醜女一樣可以傳千里甚至萬里萬萬里，應屆香港小姐冠軍陳庭欣最近就「一醜天下知」，連美國有線新聞網絡旗下嘅網站CNNGo 都有報道，標題係：'Porkchop' pageant: Who is the ugliest Miss Hong Kong?（豬扒盛會：邊位係最醜港姐？）。

facebook群組狠批

報道提到今屆港姐有唔少負面新聞，例如冠軍陳庭欣爆冷奪冠，莊思明又喺噓聲中成為季軍，引發連串賽果內定傳聞。不過報道話最令網民唔順氣嘅，始終係陳庭欣同莊思明嘅「豬扒」指數高企，有網民更喺 facebook成立「醜八怪.香港豬扒.陳庭欣」群組狠批今屆港姐選舉，又有內地網誌介紹陳庭欣時，仲起底數埋歷屆豬扒港姐出嚟。

上了這個群組看看，發起人其實又不是針對港姐佳麗，成立群組目的是好正氣，話說要「打壓造假的風氣，讓真正有質素的參賽者得到公平的競賽機會，亦要公開權貴勾結黑暗的一面」。至於那篇數歷屆豬扒港姐的內地網誌，就列舉了張嘉兒、向海嵐、徐子珊同楊婉儀等港姐冠軍，當中以莫可欣豬扒指數最高，有六粒星。

刊登大牙肉 look

香港小姐標榜美貌同智慧並重，但網民對港姐有要求無可厚非，偏偏TVB港姐網頁選擇了陳庭欣大牙肉look做介紹相，CNNGo用TVB介紹相，表明並不無中生有。查實陳庭欣都自認笑得不好看，如果TVB網站換其他造型照，大家或者會改變睇法亦說不定。TVB先前播《談情說案》被指抄襲日劇《神探伽俐略》，引起外國傳媒關注，今次豬扒港姐又被炒上CNN，建議旅發局頒個獎給TVB，表揚經常製造國際笑料，令更多老外認識香港。


今日CNN常餐推介：A餐鮮豬扒陳庭欣、B餐豬扒王莫可欣、C餐雜扒張嘉兒..

外部連結
Facebook：醜八怪.香港豬扒.陳庭欣
CNNGo：Porkchop' pageant: Who is the ugliest Miss Hong Kong?


美國有線新聞網絡旗下嘅網站 CNNGo以「豬扒盛會」報道應屆港姐的負面新聞。