Ruby教你美甲&英文測試
會考港女博入行 Ruby：我想做 Angelababy！ FACE 第167期
4月尾，16歲港女Ruby（鄭凱旻）喺YouTube用英文數臭英文課會考監考官發音差，之後被人狂插變扮勁人辦，搞到要公開道歉息公憤！
事隔3個月，Ruby竟然喺動漫節做咗image girl，學o靚模著住制服俾龍友任影，仲坦白自爆唔會升預科兼恨做model，Ruby更自信說：「我想做Angelababy！」港女Ruby果然並非浪得虛名。
Ruby話想入行做 model，雖然第一次入影樓影相，不過見佢擺起甫士有板有眼，但見到攝影師卻好被動，連招呼都唔識打，想做 model禮貌好緊要 o架！
用英文數臭考官片出街後，Ruby成為高登仔狙擊目標，無論個人facebook、email、所讀中學都俾網友起底公開，Ruby亦嚇至潛水半個月。
到5月先自拍癮發作，拍咗條say sorry片公開道歉兼順便教人化妝。
難得走出恐懼陰霾，剛於動漫節以日薪$500擔任image girl的Ruby，坦白講恨入娛樂圈做model。
唔讀F.6
Ruby說：「我個model朋友開解我，叫我唔好理咁多人哋眼光，可能時間耐咗，開始冇咁驚，其實我係想做model，我有個朋友喺Gameone（遊戲商）做，佢叫我動漫節做imagegirl，我咪試吓囉，（咁你有咩目標？）其實……我都想好似Angelababy咁， 做model同拍埋戲，我唱歌唔得o架！我得158cm，行catwalk未必得，影硬照我oko既！」
做imagegirl
至本週二（3日）動漫節收檔，翌日就係會考放榜大日子，Ruby亦老實稱自己冇心上F.6，Ruby說：「我諗自己都會有14分，夠 升F.6o既，不過我唔想讀正式預科啦，一來o的科目唔啱讀啦，二來驚F.7要再考試表現唔好，所以我已經報咗私校o既酒店課 程，我覺得酒店冇咁死板，可以見多o的人，啱我讀多o的！」咁就祝你前程似錦喇！
沒有留言:
張貼留言