仆街P羊亂cut快線
仆街P羊亂cut快線 (BACKUP)
上傳者：swiftgtiel4506
呢個死仆街, 掛P就咪學人抽快線啦
仲要望都唔望cut出黎
車你唔死算我唔好彩!
新聞報道
神奇P羊 網民激辯 (蘋果日報) 2010-08-04
政府年年揼錢拍廣告搞活動宣傳小心駕駛，八方建議不如上網搵 YouTube片效果仲好喇！好似一段叫《仆街 P羊亂 cut快線》嘅短片，就引起網民激烈討論。短片見到一架掛住 P牌嘅綿羊仔電單車，前日喺屯門公路突然唔打燈由中線抽出快線，緊隨嘅私家車懷疑煞唔切掣，就咁炒埋綿羊車尾，鏡頭影住 P牌司機撞到四腳朝天、拖鞋飛脫、一仆一碌，但毫髮無損，馬上爬番起身着番拖鞋同私家車司機理論。
鬧鐵騎士唔打燈出快線
唔少網民睇完條片後都大嘆神奇，綿羊司機被撞到飛起都冇事，犀利過特技人。不過更多網民議論焦點係誰對誰錯。自稱係案發私家車司機網民 swiftgtiel4506將片段改名做《仆街 P羊亂 cut快線》，立場鮮明，話綿羊司機掛 P牌、着拖鞋又唔打燈就抽出快線，擺明累街坊。有網民話：「個綿羊仔根本就係 cut出嚟俾車撞。」又有人話：「好彩架私家車收得切，收遲啲捲佢入車底呀！」
同時又好多網民認為錯在私家車司機，因為以現場燈柱和片段時間，推算私家車車速可能超過時速 80公里，可能超速；又有人指私家車同前車冇預留兩秒距離，「私家車唔係喺佢切線時撞佢，而係切完入晒線先撞，就算佢急煞，上到庭都只會話你開得太快，冇預留時間反應同判斷，加上電單車司機受傷，私家車司機情況好不利」。
「後車撞前車點都唔啱」
香港汽車進出口商會會長羅少雄亦認為今次意外，私家車司機唔着數，「你後車撞前車，點都唔啱，睇吓個官判邊個負多啲責任」。羅少雄指綿羊仔冇打燈固然唔啱，但後車肯定冇同前車預留足夠距離，「你睇最近蔡國權單案，個官都判佢要負番部份責任」。
事主 swiftgtiel4506話，到場調查警員曾指佢跟車太貼，警方表示正調查事件。一段真實交通意外短片觸發網民有益有建設性討論，政府不妨諗諗買起條片做廣告喇。
踢拖綿羊仔炮彈炒車熱爆
P羊被撞連環睇
冇打燈切入快線
撞到大字形甩拖鞋
飛前翻滾兩周半
起身着番對拖鞋
兩車司機勞氣理論
P羊亂cut快線(搞笑版)
仆街P羊亂cut快線(倒鏡)
仆街P羊亂cut快線 (慢鏡)
P羊on cut快線俾車撞到飛起
沒有留言:
張貼留言