女神宣言：慾女上身睇鹹書做 Vienna：3P免問 (蘋果日報) 2010-08-22
性女Vienna有幾「抵得諗」？在 YouTube看過她示範叫床和啜手指扮口交兩大絕技的，都略知一二。但雄性動物慾望無止境，若發現男友的電腦/床下底有 AV和鹹書的寶藏，Vienna話：「不要驚，不要亂。總好過發現佢收埋另一個女人！」果然人人的底線都不同。
愛睇鹹書咪唔認
「男人睇鹹書或者睇 AV都好正常，他們的慾望是無止境的。」貪新忘舊本是人之常情，而睇鹹書/AV的就更加是用完即棄：「換書換碟，好過換女友啦！」Vienna說在她芸芸的男友中，「嗜鹹」的程度由 0到 10都有，由「粉絲級」到完全不揭不看的基督徒都齊。「睇（鹹書）不是問題，但愛看就唔好唔認。」看見男友電腦中珍藏的 AV，Vienna都會看看是否貨真價實：「沒看過就會好奇，而且有些 AV女的質素相當不俗，係人都鍾意睇靚女。」但作為女仔看到同性的性器官大特寫也會興奮莫名嗎？「女明星都有好多女 Fans，與是攣是直沒有關係的！」
陪男友邊睇邊做
Vienna與現任男友一拍即合，對方不是「虔誠基督徒」，睇 AV猶如食飯和呼吸。其實女仔介意男友「嗜鹹」，其中一個原因是「為何睇佢唔睇我？」但Vienna話與其大興問罪之師，不如跟他一起看好了。「他甚至會問我可不可以睇住做。我自己沒有甚麼感覺，但他就好興奮！」自己不愛菜心炒牛肉，煮給男友就當是遷就他好了。「可能他覺得有第三者在場，就好像玩3P一樣。」女子善妒，男友在街上其他女仔都可以打翻醋埕，更何況是「邊睇邊做」？「有些女仔甚至會喊住做！因為覺得對方不專心，被 AV女吸引了。」這也很正常吧，二人盤腸大戰，若男人叫錯前女友的名字，是可忍孰不可忍！「不過看 AV只是男人的情意結，覺得更有氣氛罷了。」
Vienna話鹹濕是男人天性，一齊睇 AV無所謂，3P就No啦！
唔肯買M巾 覺得揀錯人
家嫂順得人，但萬一男友得寸進尺真係要玩3P，點算？「梗係唔得！愛情是兩個人的事，一有第三者就玩完。」她就曾經因為發現前男友一腳踏兩船，自己由正印淪為 SP（ Sex Partner）而傷心了一星期之久。另一方面，好多女仔都不能接受 3P，偏偏不介意做第三者，相當矛盾。娛樂版上的有錢人可以有二三四奶，現實中無錢的亦可以享齊人之福。「我聽過有些上了年紀的女人多年來共事一夫，因為不想轉變，惟有認命。」也有乳臭未乾的妹妹仔，視「做第三者」為人生經驗！「她們甚至會因為對方有老婆而覺得好興奮，覺得是一種經歷。完全沒想過會受傷。」Vienna慨嘆「女人好騙」：「其實我都好易呃，但三人行真係接受唔到。」
Vienna曾經在電視節目中發表過「床技了得，男友實走唔甩。」之類的金句，但除了「技術性擊倒」，其實溫柔體貼之餘最基本的是「唔好太煩」：「最忌每小時打電話去，要他報告行蹤。」她甚至不介意幫男友買鹹書：「只是有點尷尬，又不是做不到。正如如果他不肯幫我買 M巾，我會覺得自己揀錯人。」
沒有留言:
張貼留言